Syntesis sa Pilosopiya: Pinananagutan

natapos ko na yung syntesis! woohoo! share ko nga rin. natuwa ako sa ginawa ko kahit na sobrang pinahaba ko at parang run-on sentence na yung ginawa ko :))

--------------------------------------------------------------------------------------------------------

Ang pamimilosopiya ay ang pagsabi na likas sa bawat tao na 

mag-isip at makagawa ng pag-unawa sa Meron – sa madaling salita,

isang paggawang umuunawa at pag-uunawang gumagawa. Sa 

patuloy na pag-unawa ng indibidwal patungkol sa kinagagalawang 

Meron at sa syempre sa pagdanas niya sa Meron, natutuklasan niya 

na ang bawat tao ay likas na magkahawig at magkaiba sa kanilang 

buong pagkatao, na ang bawat indibidwal ay nagmemeron bilang 

sarili. Ang realidad ng pagkakaiba at pagkakabukod-tangi ng bawat 

nilalang ay nagpapahiwatig sa indibidwal ng kanyang pagkatao -- na 

may hindi Ako, hiwalay sa Ako na hindi ko masasakop at 

maikakahon. Ang pagkakahiwalay-pagkakaiba na ito ay mararanasan 

sa pagharap sa Mukha, na nagdadala sa indibidwal sa kanyang 

pagpapakatao -- ang panagutan ang kapwa sa pamamagitan ng 

pag-akò ng  kanyang pag-akó. Ang pagiging bukas sa pagdanas at 

pag-unawa sa Meron ang dahilan upang, kahit papaano’y, lubusang 

matuklasan ang Sarili para itaguyod ng mahusay ang ikabubuti ng 

kapwa.